Pasi policia dha lajmin e hidhur për vdekjen e 49-vjeçarit, pas marrjes peng dhe dhunimit nga katër persona, të cilët janë arrestuar, familjarët e 49-vjeçarit kanë treguar detaje nga krimi makabër.
Mësohet se kunati i viktimës, Mark Sula, ka thënë se Jani nuk ka pasur konflikte me asnjë njeri, ndërsa i ka bërë apel shtetit të gjejë trupin e tij të pajetë dhe t’ua dorëzojë familjarëve.
“Janin e rrëmbyen dhe e vranë, drejtësia të vihet në vend. Policia e Tiranës na thirri mbrëmë dhe na tregoi se ai nuk jeton më. Jani nuk ka pasur asnjë konflikt e asnjë problem me askënd. Nuk i njohim të arrestuarit e as kemi probleme me ta. Shteti të gjeje trupin e ta sjellë në shtëpi”, ka thënë ai.
