Pas katër orësh i bllokuar në Shpellën e Pëllumbasit, në kanionet e Erzenit, Gazmend Bugalli, i cili kishte ndrydhur kaviljen është nxjerrë me helikopter nga kanioni. Mësohet se 42-vjeçari është transportuar menjëherë drejt Spitalit të Traumës në Tiranë.
42 vjeçari kishte shkuar së bashku me 4 miqtë e tij për ngjitje në kanionet e Erzenit, ku edhe u aksidentua duke ndrydhur kaviljen e këmbës. 4 miqtë e tij arritën të largoheshin në këmbë, ndërsa për të ishte e pamundur ndërhyrja nga toka, për shkak të terrenit të vështirë.
“Po na mbaron bateria. Është e vështirë lëvizja me barrelë e të sëmurit”, u shpreh në telefonatë, një nga anëtarët e grupit të mbetur të bllokuar. Ai tha se po i mbarojnë edhe lëngjet e marra me vete, ndërsa kërkoi që të bëhet ndërhyrja nga ajri për faktin që është e vështirë lëvizja me barrelë e të sëmurit.
/balkanweb.com/
Po bënin ecje, pesë persona bllokohen në shpellën e Pëllumbasit
