Një student i arrestua gjatë protestave ka treguar ditën e sotme se mbajtën 3 ditë në birucë dhe kanë ushtruar dhunë ndaj tij. Gjithsesi, Studenti iu bëri thirrje të gjithë shqiptarëve që të mos kenë frikë nga dhuna, por të protestojnë për të drejtën e tyre. Ai tha se në protestën e radhës nuk duhet të ngrihemi nga sheshi nëse Rama nuk plotëson kërkesat e tyre.
“Më mbajtën tre ditë në birucë. Nëse të gjithë shqiptarët janë mbledhur këtu kanë pasur një armik: Ai është Edi Rama. Solidarizohem me të gjithë ata të burgosur që janë mbajtur padrejtësisht. Na kanë arrestuar në trotuaret e atdheut tonë. I bëj thirrje studentëve që të protestojnë për të drejtën e tyre, të fjalës dhe të protestës. Ju bëj thirrje që të mos trembeni nga dhuna, e të dalin e të protestojnë të gjithë në shesh. Edi Rama s’mundet ta mbaj peng Shqipërinë” tha studenti. Sakaq, kujtojmë se dhe organizatorët e protestës paralajmëruan se të shtunën protesta nuk do mbyllet pa marrë përgjigje nga qeveria.
