SPAK ka nisur hetim të pasurisë të gjyqtares së Elbasanit, Zamira Vyshka e cila u arrestua pak kohë më parë për ryshfet e korrupsion. Hetimi është shtrirë dhe tek familjarët e të burgosurit, Xhulio Musai.
SPAK është në pritje dhe të akt ekspertizës së telefonave të sekuestruar të personave që janë në hetim. Sipas SPAK, i arrestuari Xhulio Musai do paguante 400 mijë lekë, gjyqtaren Zamira Vyshka dhe avokatin Ilir Pashaj për të përfituar ulje të dënimit me 6 muaj.
Fillimisht familjarët e Musait ofruan 200 mijë lekë përmes avokatit të tij Ilir Pashai, por nga hetimet e kryera ka rezultuar se gjyqtarja ka kërkuar dyfishin. Ngjarje ka ndodhur në Tetor të vitit 2021, ndërsa familjarët e të dënuarit nuk kanë pranuar kërkesën e bërë nga gjyqtarja e cila u vu në pranga në Korrik të 2022.
