Nga Ylli Manjani
Insistoj!
Nuk kemi ende ftohtësinë e domosdoshme për të lexuar drejt rezultatin e zgjedhjeve, i cili ende nuk ka dalë zyrtarisht.
Nuk është se presim ndonjë përmbysje të madhe, por sidoqoftë radha e do të presim. Të ftohim mendjen dhe ta lexojmë tamam. Ça nguti ka, tek e fundit?!
E sigurtë është që nuk ka 1 arsye të vetme për rezultatin e padëshiruar, por janë disa që kanë vepruar njëkohësisht.
A e ka fajin populli?!
Më e thjeshta është të thuash po. Ka sigurisht edhe ai (populli pra) disa sindroma jo të mira, si fjala vjen bashkejeta me të keqen.
Por a mjafton kjo për ta shpallur “fajtor”?!
Sigurisht që jo. Politika do bëhet me këtë popull dhe për të në fund të fundit.
Por detyra është të lexohet reagimi i tij në racionalen e vet. Zgjedhjet janë momenti më i rëndësishëm për ta bërl këtë lexim. Por duhet mendje e ftohtë, pa nervozizëm pa emocion partiak.
Personalisht e quaj veten tek ata që u përpoqa të kontribuoj. Nuk gëzohem aspak tu them partive humbëse tani se “a u thashë që duhej kjo e ajo..”. Ça kultimi ka?! Unë nuk isha në garë me ta, por në radhët e kontribuesve.
Por pra them se duhet mendje e ftohtë për të lexuar ç’ndodhi.
A ishin këto zgjedhje të ndershme?
Jo!
Që pa hyrë në në zgjedhje sistemi u deformua pandershmërisht. Por partitë pranuan garën, ndaj argumenti mbyllet.
A u blenë vota?
Po! Patëm fakte publike këtë radhë.
Por sa ndikuan në rezultat?!
Vështirë të provohet. Aq më tepër që veriu më i varfri i vendit ka votuar opozitën, jo parelinjtë. Ja ku këputet dhe kjo llogjikë.
A ndikoi pavlefshmëria e lartë e votave?!
Ndoshta po. Por pse paska ndikuar vetëm tek humbesit dhe jo tek tjerët?! Edhe kjo llogjikë është ende e pa ushqyer me fakte e argumente të ftohta.
A u përdor shteti në zgjedhje?
Poooo! Por shteti është përdorur gjithmonë. Pra asgjë e re, duhet të ishte përllogaritur kjo gjë…
Pra ka shumë çështje që nuk mbarojnë deri në fund me llogjikë të ftohtë.
Ndaj duhet kohë. Duhet lexuar mirë çdo element.
Kam bindjen se është më shumë sesa kaq kjo punë. Faji duhet kërkuar në radhë të parë tek vetja.
Ndaj qetësisht duhet pranuar rezultati dhe ftohtësisht duhet lexuar populli që të ndërtohet një politikë më e mirë.
Ndërkohë nuk kemi luksin të humbasim ORIENTIMIN EUROPIAN. Turqia nuk është e ardhnja jonë. Në këtë pikë analizat janë stërbërë…
