Policia turke ka identifikuar autorin e masakrës së Stambollit ku mbetën të vrarë 39 persona, ku 25 prej tyre ishin shtetas të huaj.
Sipas Policisë atentatori i dyshuar quhet Iakhe Mashrapov dhe eshtë 28 vjeç dhe mban pasaportë të Kirgistanit.
Lajmi bëhet i ditur nga korrespondentja e televizionit britanik ITV Sally Lockwood, e cila citon burime të policisë turke.
Sakaq, gruaja e tij mësohet të jetë ndaluar në provincën konservatore të Konias, ku kishin ardhur me dy fëmijët e tyre në fund të nëntorit nga Kirgistani.
“Për atentatin e mora vesh nga televizori. Nuk e dija që burri im ishte një simpatizant i ISIS”. Kështu deklaroi para policisë turke gruaja e vrasësit.
