Kryeministri i vendit Edi Rama ka komentuar deklaratat e kryetarit të PD-së, Sali Berisha, qëndrimet e të cilit janë pasqyruar nga media britanike Daily Mail lidhur me dyndjen e emigrantëve shqiptarë në Britaninë e Madhe.
Rama i cilëson si turp këto deklarata dhe shkruan se vetëm shërbëtorët e së keqes mund të lëshojnë në gjuhë të huaj deklarata të tilla kundër Shqipërisë.
“Vetëm shërbëtorët e së keqes, jashtënxjerrjet e një kombi, pjellat e mbrapshta të sojit të lig që e ndjek pas si hija e një mallkimi këtë vend qysh prej 1912-ës, mund të lëshojnë në gjuhë të huaj deklarata të tilla kundër Shqipërisë!”, shkruan kryeministri në Twitter.
“Ky është një moment kur Shqipëria është kthyer në vendin më të rrezikshëm në Ballkan dhe Evropë,” është pasazhi që ka marrë gazeta britanike nga deklaratat e ish kryeministrit Berisha.
Lexo edhe: Berisha zotohet për rrëzimin e Ramës: Protestat s’do të ndalojnë
