Ministrja e Kulturës Elva Margariti në “ABC e mëngjesit” ka folur për turizmin kulturor në këtë situatë pandemie.
Margariti u shpreh se monumentet e kulturës kanë nevojë për mirëmbajtje dhe se është më rëndësi që të shtohet ndërgjegja qytetare. Turizmi mbetet një nga sektorët më të goditur për shkak të pandemisë.
Margariti u shpreh se post covidi solli hapjen e muzeve dhe parqeve arkeologjike.
“Ne kemi dalë me tarifa të reduktuara, shumë më të ulëta se viti që shkoi. Bëmë një hap mbrapa duke sakrifikuar arkën e mirëmbajtjes së Ministrisë së Kulturës, për të shtuar sa më shumë turistët. Nga ana tjetër paketat online janë një shërbim që krijon mundësinë për të programuar edhe vizitat nëpër site. Kemi shtuar çdo të diele falas. Menduam që kjo do të ishte një mbështetje e mirë”, u shpreh Ministrja e Kulturës.
Më tej ajo theksoi se janë shkaktuar humbje të mëdha, ndërsa theksoi se ky është një vit i vështirë. “Ky është një vit i vështirë. Fokusi ishte që të shtojmë sa më shumë shërbime, një nga mënyrat për të sjellë më shumë vizitorë. Kemi marrë hapa konkretë për rimëkëmbjen e post tërmeteve të muzeut. Kemi miratuar me buxhetin shtetit një fond të posaçëm të gjithë projektet për zbatimin e restaurimit post tërmet. Biletat nuk janë ato që sjellin të ardhurat më të mëdha, por janë dyqanet e muzeve të cilat mund të sjellin 3-fishin e të ardhurave dhe fokusi është në këtë drejtim, të krijojmë një brendim unikal për të gjithë këto dyqane”, tha më tej Margariti.
Margariti u ndal edhe te shkatërrimi i një prej monumenteve në Parkun Arkeologjik Kombëtar të Apolonisë, ndërsa theksoi se çështja tashmë i ka kaluar Prokurorisë, ndërsa theksoi se është miratuar projekti për restaurimin e saj.
“Gjatë pandemisë ka ndodhur ky akt, sipas hetimeve të policisë është një akt vandal. Ne po vazhdojmë me hetimet, çështje është në Prokurori. Kemi miratuar projektin e restaurimit dhe shumë shpejt do të procedojmë më fillimin e restaurimit”, u shpreh Margariti.
Gjatë bisedës në studio, ministrja, diskutimet e krijuara pas vlerësimit të kritikut të artit italian Vittorio Sgarbi se Bylisi është qytet antik grek, theksoi se çështjet gjithmonë kthehen në zhurmë apo në drejtim gishti ndaj Ministrisë së Kulturës, që sipas janë vërtet qesharake.
“Sgarbi ishte në vizitë jozyrtare, u takuam në Galerinë Kombëtare të Arteve. Në fund të ditës na kthen vëmendjen ndaj siteve tona. Gjithmonë e më tepër kërkojmë politika për të rinjtë, të njohin identitetin e tyre, dhe kjo situatë e krijuar mund të lexohet edhe pozitivisht”, tha Margariti./abcnews.al
