Pas bisedës telefonike me presidentin e Rusisë, Vadimir Putin, presidenti i ShBA, Donald Trump, tha se nuk është i kënaqur me bashkëpunimin e Rusisë, në përpjekjet për t’i bërë presion Koresë së Veriut që të heqë dorë nga programi i saj bërthamor.
Trump tha se “Kina po ndihmon, por Rusia jo. Do të dëshironim ndihmën e Rusisë”.
Dy liderët kanë diskutuar “situatën në disa zona kritike, me fokus zgjidhjen e çështjes bërthamore në Gadishullin Korean”, tha Kremlini përmes një deklarate për media.
Shtëpia e Bardhë tha se Trump dhe Putin kanë biseduar për të punuar së bashku në zgjidhjen e situatës “shumë të rrezikshme” në Korenë e Veriut.
