Vendimi i qeverisë për fabrikat në Elbasan, Durrës, Fier e Vlorë
Gërmadhat e fabrikave dhe uzinave të kohës së komunizmit do të rrafshohen me tritol. Qeveria ka vendosur shëmbjen e tyre pas më shumë se 25 vjet rrënimi të vazhdueshëm. Në listë për tu rrafshuar janë Ndërmarrja e Prodhimit të Çeliqeve dhe ish Uzina 12 në Kombinatin Metalurgjik të Elbasanit si edhe Uzina e Plehrave Azotike në Fier. Por përpara se të shemben për këto ndërtesa do të ketë ankande për shitjen e aseteve të cilat kanë vlerë ekonomike. Ministria e Ekonomisë ka përgatitur një material të posaçëm për këto ndërtesa, ku thekson se objekte të tilla janë të shtrira në disa zona të vendit si në Elbasan, Fier, Vlorë, Durrës, etj.
