Një shpërthim është dëgjuar në orët e para të mëngjesit në fshatin Fushë-Bulqizë, në afërsi të banesës së 54-vjecarit me iniciale F.D, i cili është administrator i një galerie Kromi.
Policia bën me dije se në pjesën e pasme të automjetit tip Audi Q7 në pronësi të 54-vjecarit ishte vendosur një lëndë plasëse, e cila ka shpërthyer. Nga shpërthimi është dëmtuar pjesërisht automjeti dhe fatmirësisht nuk ka dëme në njerëz.
Grupi hetimor po vijon punën në vendngjarje për zbardhjen e rrethanave të ngjarjes dhe për identifikimin e autorëve.
