Pasi anëtari i Komitetit të Ekspertëve Tritan Kalo u largua pasi tha se komiteti është politizuar, vjen një lajm tjetër.
Top Channel raporton se PS i ka bërë një propozim ditët e fundit shefes së infektivit Najada Çomo për ta kandiduar në Tiranë.
Mësohet se ka qenë vetë kryeministri Edi Rama që ia ka komunikuar këtë propozim përmes telefonit mjekes Najada Çomo. Nuk dihet ende nëse Najada Çomo e ka pranuar apo refuzuar këtë propozim.
E kontaktuar nga Top Channel, zonja Çomo nuk i është përgjigjur ende pyetjes për të komentuar këtë propozim të kryesocialistit Rama.
Një ditë më parë ishte vetë kryeministri Rama që konfirmoi Etilda Gjonajn në listën e Tiranës.
