Trazirat në PD, demokratja: Kërkonin të na tërhiqnin zvarrë

0
89

Pas protestës së 8 janarit në PD, vazhdojnë akuzat mes mbështetëseve të Bashës dhe Berishës për dhunë. Në lidhje me këtë ngjarje ka folur sot gjatë një interviste Kryetarja e Degës Nr.2 të Partisë Demokratike në Tiranë, Mirlinda Çollaku, e cila rrëfen atë që përjetoi në datën 8 janar, gjatë protestës së ish-kryeministrit Sali Berisha për të marrë godinën e partisë.

Në një video të shkurtër nga Selia Blu, ajo thotë 8 janari ishte një skenar i qartë për të organizuar dhunë, nxitur nga Sali Berisha dhe Bujar Nishani. “Kur kam dëgjuar Sali Berishën dhe Bujar Nishanin të flisnin në media për marrjen e godinës me dhunë, nuk kam besuar se kjo do të ndodhte. Nuk e kisha besuar kurrë se ky do të ishte një skenar i mirë organizuar dhe i qartë për të organizuar dhunë në 8 janar. Kishte mercenarë të cilët kërkonin të na tërhiqnin zvarrë”, thotë ndër të tjera Çollaku.

Kujtojmë se protesta e 8 janarit nisi me dhunë nga mbështetësit e Berishës të cilët shqyen dyert dhe u futen brenda në zyra duke qëlluar me gurë dhe tulla, ndërsa gjendja u agravua, pasi filluan përplasjet edhe me policinë.