Në mjetin e të rinjve u gjetën 515 gram boçe kanabisi
Dy të rinj nga Kavaja kanë rënë në prangat e policisë për trafik të lëndëve narkotike. Ata janë Amarildo Iseberi 22 vjeç dhe Sejbi Kazazi, 21 vjeç, të dy banues në lagjen Nr. 5 në Kavajë. Ata janë arrestuar nga Policia e Fierit në hyrje të autostradës Levan – Tepelenë. Arrestimi është bërë në orët e natës teksa dy të rinjtë po udhëtonin me mjetin tip BMV me targa AA 311 LS, ku gjatë kontrollit u është gjetur dhe sekuestruar në cilësinë e provës materiale një qese me kanabis në formë boçeje me peshë totale 515.2 gram, të cilën po e transportonin nga Tepelena për në Kavajë. Policia ka bllokuar edhe mjetin e të rinjve dhe 2 aparate celularë.
