Kjo e shtunë ka rezultuar tragjike për një familje në Kavajë. Një makinë ka dalë nga rruga duke i marrë jetën 2 personave ndërsa një fëmijë ndodhet në gjendje të rëndë shëndetësore në spital.
Nusj, vjehrri dhe i mituri ishin duke pritur në rrugë autobusat e linjës në momentin që makina doli nga rruga dhe u përplas me ta. Automjeti tip “ Toyota” i cili drejtohej nga një 30-vjeçare ka dalë nga rruga dhe ka marrë para këmbësorët.
Nga aksidenti, i cili ndodhi këtë mëngjes te Mali i Robit kanë ndërruar jetë vjehrri Xh. F., 69 vjeç dhe nusja E. F., 34 vjeçe, ndërsa djali i saj 8-vjeçar është rëndë.
Ka qenë shpejtësia e lartë me të cilën lëvizte mjeti, si dhe lagështia në rrugë, që kanë nxjerrë nga rruga makinën, duke u bërë shkak i aksidentit tragjik.
