Një 16 vjeçare i ka dhënë fund jetës duke u vetëhelmuar me fostoksinë pasi kërcënohej nga një adoleshent për publikimin e një video-je.
Mësohet se adoleshentja, Adela Çaçi i dha fund jetës pasi nuk duroi dot shantazhet që prej javësh i vinin me mesazhe në telefonin e saj nga një 17-vjeçar.
Adela Çaci dhe shantazuesi i saj David Kovaçi ishin nxënës në Shkollën e Mesme Profesionale të qytetit të Beratit, në vitin e parë.
17-vjeçari David Kovaçit, është arrestuar dhe tashmë do të përballet tashmë me akuzën e “Përndjekjes” në Gjykatën e të miturve.
Familjarët dhe të afërmit kanë përcjellë sot drejt banesës së fundit adoleshenten. Lajmi për vetëhelmimin e saj ishte tronditës dhe krejt i papritur, pasi askush nuk e kishte kuptuar gjendjen depresive të vajzës dhe askush nuk dinte se ajo kërcënohej nga një djalë.
