Bota mbarë është shokuar nga kjo panoramë tragjike që na vjen përmes kësaj fotografie. Është babai me dy binjakët e tij të vdekur nga sulmi kimik në Siri. Ai i shtrëngon fort dy fëmijët e tij binjakë, të vrarë. Prestigjozja britanike “The mirror” shkruan se në pamje shfaqet babai i trishtuar i cili mban në prehër dy binjakët e tij të vdekur mbështjellë me batanije të bardhë.
Ata ishin në mesin e 70 personave të vrarë, midis tyre 20 fëmijë nga sulmi shkatërrues në qytetin verior të Khan Sheikhoun i cili ndodhi gjatë ditës së martë. Rusia ka fajësuar rebelët për mizorinë ndërsa Uashington tha se besonte se vdekjet ishin shkaktuar nga gazi sarin i rënë nga avioni sirian. Mjeku Shajul Islam i cili punon në Sirinë veriore ka ndarë pamje nga sulmi në rrjetin social Twitter. Mjeku gjithashtu ka ndarë pamje të foshnjave që qajnë përpara spitaleve, ndërsa shprehet se spitalet janë mbushur plot, me të plagosur dhe viktima. “Unë do ju tregoj prova përsëri dhe përsëri, por ju e dini se çfarë? Bota nuk ka kujdes dhe askush nuk bën asnjë gjë! Ne ju nxisim që të bëjmë presion mbi qeverinë, presion të bëjnë të gjithë, për të ndihmuar…”– shkruan mjeku.
https://www.facebook.com/cnn/videos/10156371129926509/
