Një nga mjekët e urgjencës në Bullgari, që ndihmoi të mbijetuarit nga tragjedia e autobusit në Strumë, ka rrëfyer për mediat fjalët e para të të lënduarve.
“Gjatë natës u dha njoftimi për një aksident në autostradën e Strumës, ku është përplasur një autobus dhe ka rënë zjarr. Mbërritëm në vendngjarje shumë shpejt. Autobusi ishte në flakë, kishte shumë zjarrfikës. Kishte klithma dhe britma. Kam transportuar një burrë i lindur në vitin 1976. Ai tha se po udhëtonin nga Stambolli. Ata ishin atje në një udhëtim për katër ditë. Dita e rrëzimit ishte e pesta. Papritur ai dëgjoi një zhurmë, më pas autobusi filloi të digjej. Burri goditi xhamin dhe u hodh. Kjo është arsyeja pse këmba e djathtë i është thyer”, tha Loarita Nikolova.
Sipas saj, flakët nga autobusi i djegur ishin shumë të forta. “Kam 25 vite që punoj në Emergjencë. Ky është një nga aksidentet më të rënda që kam qenë”, shtoi Loarita Nikolova.
Në tragjedi humbën jetën 46 shqiptarë nga Maqedonia, mes tyre 12 fëmijë.
