Tragjedi e rëndë në Velipojë, si pasojë e përplsjes së dy makinave 3 persona kanë vdekur dhe 4 janë plagosur.
Nga përplasja, në makinën “Alfa Romeo” me targa AA474NJ, ku po udhëtonte familja Preka nga Velipoja humbën jetën babai dhe dy fëmijët, ndërsa gruaja dhe njëra vajzë kanë mbetur të plagosura rëndë.
Në makinën tip foristradë me targa AA292OL po udhëtonin dy të rinj, Sokol Mullaj dhe Ndrek Gjergji të cilët kanë mbetur të plagosur.
Aksidenti rezultoi fatal për kryefamiljarin Edmond Preka dhe djalin 9 muajsh Rajan Preka që vdiqën në vend, ndërsa vajza Ajsel 5-vjeçe ndërroi jetë në spital një orë më pas. Gruaja Evisa dhe vajza tjetër 10-vjeçe u dërguan në gjendje të rëndë në spital.
Nëna dhe vajza tani janë në reanimacion ndërsa gjendja e tyre nuk lejon transportimin në Tiranë. Shkak i aksidentit nga të dhënat e para mësohet se ka qenë shpejtësia dhe mungesa e ndriçimit, pasi rruga është në ndërtim.
Viktimat
Edmond Preka-babai
Rajan Preka 9 muajsh-djali
Ajsel Preka 5-vjeçe-vajza
Të plagosur
Evisa Preka 36 vjeçe- gruaja
Noem Preka 10 vjeçe-vajza
Dy djemtë e plagosur që ishin te makina tjetër
Sokol Mullaj
Ndrek Gjergji
