Përmes një postimi në facebook, ish-kryeministri Sali Berisha ka reaguar në lidhje me masakrën e ndodhur të premten në Malin e Zi, ku një 34-vjeçar ekzekutoi 10 persona dhe plagosi 6 të tjerë pas një sherri për banesën e qerasë në Cetinje. Berisha shkruan se dënon me ashpërsinë më të madhe këtë akt kriminal, si dhe i shpreh ngushëllimet familjarëve të viktimave, qytetarëve dhe autoriteteve të vendit fqinj.
“Një masakër e vërtetë në Çetinë! Vriten dhjetë qytetarë dhe plagosen gjashtë të tjerë! Miq, një person i armatosur ka hapur zjarr dje pasdite në një lagje të Çetinës dhe ka vrarë 10 qytetarë, ndër të cilët dy fëmijë, dhe plagosur 6 të tjerë. Duke dënuar me ashpërsinë më të madhe këtë akt kriminal e të shëmtuar, i shpreh ngushëllimet e mia të ndjera familjeve të viktimave, qytetarëve dhe autoriteteve të vendit fqinj. I uroj gjithashtu shërim të plotë të plagosurve” – shkruan Berisha në facebook.
