Të paktën 34 viktima janë regjistruar në orët e para të mëngjesit të sotëm pasi një anije me 500 veta në bord është përmbysur në ujërat e detit Mesdhe.
Ngjarja ka ndodhur 30 milje larg portit libian Zuara nga ku anija ishte nisur dhe kishte destinacion Italinë. Kjo rrugë mbetet një nga më të rrezikshmet për jetën e emigrantëve pasi vetëm gjatë 2017 ka shkaktuar rreth 1400 viktima.
Roja bregdetare raporton se mes viktimave 1/3 janë fëmijë. Mjaft emigrantë të tjerë kanë mundur të shpëtojnë por sipas rrëfimeve të tyre numri i personave të mbytur është më i madh.
