Prej ditësh policia greke është vënë në ndjekje të një 38-vjeçari shqiptar, i cili akuzohej edhe më pare për trafik narkotikësh.
Në kuadër të një operacioni të organizuar mbrëmjen e së martës, autoritet kanë ndjekur shqiptarin duke e vënë më pas në pranga.
Pasi u arrestua, qeni i zbulimit të drogës ‘Spike’ u ngarkua të kontrollonte ambientet, ku u zbuluan 23 pako me gjithsej 670,8 gramë kanabis të papërpunuar, 157,7 gramë kokainë dhe një peshore elektronike.
Por edhe gjatë hetimeve të policisë që pasuan në banesën dhe automjetin e autorit në Pirgos, u gjet një prese mekanike dhe një kallëp metalik për standardizimin e kokainës, të cilat i sekuestruan së bashku me celularët dhe 2215 euro.
“Klientët” e trafikantit të drogës u identifikuan dhe ndaj tyre është ngritur procedimi për blerje dhe posedim të lëndëve narkotike, ndërsa 38-vjeçari është dërguar në prokurori.
The post Trafikonte lëndë narkotike, prangoset shqiptari në Greqi appeared first on 27.
