Avokati i Popullit Igli Totozani shpreh zhgënjimin e thellë për mos ndryshimin e Nenit 18 të Kushtetutës, për lejimin e bashkëjetesës midis personave të njëjtit seks.
Nëpërmjet një reagimi, Totozani thekson se mos miratimi i këtij neni duket sikur përçon mesazhin se qytetarët e këtij vendi mund të diskriminohen.
Reagimi: Në emër të institucionit te Avokatit te Popullit dhe ne emrin tim personal shpreh trishtim dhe zhgënjim per mos ndryshimin e nenit 18 të Kushtetutës, konkretisht për mos pranimin e shtesës qe te konsiderohet shkak diskriminimi “orientimi seksual dhe identiteti gjinor”.
Mosndryshimi i këtij neni i përkthyer ndryshe duket sikur jep mesazhin: Për këto dy shkaqe qytetaret e këtij vendi mund te diskriminohen!!! Ndërtimi i një kulture demokratike dhe i te drejtave te njeriut nuk është një sfide e lehtë. Do te duhen shume vite për këtë. Megjithatë “humbje” te vogla si kjo nuk mund te vene ne dyshim arritjen e objektivave afatgjate; ate te nje Shqipërie të barabartë për te gjithë.
Institucioni i Avokatit te Popullit, ashtu si deri me tani do te vazhdoje te mbështetëse dhe te përkrahë çdo qytetar pjese e komunitetit LGBT; sot e përgjithmonë.
