“Në ekipin tim nuk flitet më italisht, madje edhe masazhatorët komunikojnë në anglisht”
Françesko Toti shprehet i nervozuar për lëvizjet e shpeshta të futbollistëve, kryesisht atyre të huaj, madje nuk e kapërdin dot faktin që transferimet bëhen në favor të rivalëve të përhershëm. Ashtu siç është origjinal, pa u munduar t’i zgjedhë fjalët, simboli i Romës prononcohet për lëvizjet e fundit të Higuain dhe Pjaniç, nga Napoli e Roma drejt Juventusit. “Futbollistët e sotëm janë bërë si nomadë, ndjekin paratë dhe jo zemrën. Kjo është ndoshta diferenca që kanë me mua. Nëse do të mendoja vetëm për paratë do të isha larguar nga Roma që 10 vjet më parë dhe tani do të kisha shumë më tepër para. Por për mua, futbolli mbi të gjitha është pasion. Higuain? Edhe për të është normale të shkojë ku ka më shumë para. Jo të gjithë të huajt janë Maradona”, tha Toti për “Gazzeta Ëorld”, por veç të tjerash është edhe kundër prezencës pothuajse pa limit të të huajve në skuadrat italiane. “Endërroj një kampionat ku të mos ketë më shumë se dy të huaj për skuadër, ndërkohë që në ekipin tim nuk flitet më italisht, madje edhe masazhatorët komunikojnë në anglisht”.
