Kryetari i Parlamentit Ilir Meta ka deklaruar se opozita kishte të drejtë për rekomandimin 88 për reformën në drejtësi. Deklarata e Metës u bë në një intervistë për “Zërin e Amerikës”
Meta: Opozita mund të them sot pa ndroje dhe pa asnjë hezitim sepse procesi ka përfunduar mrekullisht, se kishte të drejtë për rekomandimin 88. Unë u binda pasi u takova me zotin Basha, këtë qëndrim ja kam shprehur edhe partnerëve të mi të koalicionit, edhe ndërkombëtarëve, pasi jam konsultuar për këtë rekomandim me ekspertë nga më të mirë në SHBA të cilët asistojnë për reformën në drejtësi.
Kjo është çështje kujtese, sepse unë kam dhënë dorëheqje nga kryeministër për arsye se PS bëri një faull me zgjedhjet e 2001, me çështjen e Dushkut dhe madje mund tju them sot para shqiptarëve se për shkak se PE vendosi sanksion që Presidenti në Shqipëri nuk duhej të zgjidhej me 84 vota edhe pse mazhoranca jonë kishte 87 vota për shkak të Dushkut unë nuk pranova dhe kompromisin e propozuar nga ish kreu i PS në atë kohë që unë të bëhesha dhe kryeministër dhe kryetar i PS dhe ai të bëhej President, përkundrazi i shërbeva një zgjidhje që sakrifikonte dhe karrierën time duke pranaur që ai të ishte në detyrën e kryeministrit dhe më pas kemi pranuar që të zgjedhjim një president konsensual siç ka qenë rasti i zotit Alfred Moisiu.
Së dyti unë kam qenë ai politikan që ka qenë në koalicion me Berishën për të liberalizuar vizat, për të stabilizuar vendin, por kur ka ardhur momenti kritik që është krijuar një konflik me NATO-n dhe SHBA për një ligj të caktuar kam dalë para parlamentit dhe kam bërë të qartë që jo vetëm nuk e mbështes atë ligj sepse cënonte marrëdyëniet, por kam vënë në diskutim edhe koalicionin me Sali Berishën. Dhe së treti unë mund të kem vënë në diskutim shumë gjëra. Mund të kem vënë në diskutim qeveritë, mund të kem vënë në diskutim pozicionin tim si kryetar parlamenti dhe në rast se do të miratohej pa konsensus unë nuk do të isha kryetar parlamenti, pro asnjëherë nuk kam vënë në diskutim reformën në drejtësi.
Meta: parlamenti mund të mblidhet të enjte për ligjet kushtetuese
Patjetër ne do të fillojmë me këtë projekt ligj. Kam pasur mundësinë të flas me zotin Basha, jam në kontakt me sekretaren e përgjithshme të kuvendit, kam qenë në kontakt me ambasadoren e BE, dje e kam garantuar Hahn që kjo frymë konsensusi të vazhdojë sepse e tillë ka qenë marrëveshja edhe në miratimin e ligjeve dhe unë besoj që kjo është e mundur.
Parlamenti do të mblidhet në çdo moment që ne do ta vlerësojmë të rëndësishme të gjithë aktorët e reformës në drejtësi, vendas dhe bdërkombëtarë. Unë si kryetar Parlamenti, Rama si kryeministër, Basha si kryetar i opozitës dhe dy ambasadorët e BE dhe SHBA. Në çdo moment në çdo sekondë nuk ka gjë më të rëndësishëm për Shqipërinë dhe ska si të mos ketë për deputetët e këtij parlamenti.
Kjo është një cështje vullneti, do të respektohen procedurat. ndërkohë duhet të fillojë puna dhe i ftoj anëtarët e Komisionit të Posaçëm që të fillojnë punën që tani për të parë në radhë të parë ligjin për Vetingun që ti hapet rruga menjëherë operacionit të monitorimit ndërkombëtar dhe më pas të gjitha ligjet.
