Brutaliteti i forcave ushtarake ruse në Ukrainë nuk i ka kursyer as gratë dhe as fëmijët. Tmerret e luftës në Ukrainë na sjellin shumë histori prekëse të grave dhe vajzave të reja ukrainase që janë dhunuar seksualisht nga ushtarët rus.
Rasti më i freskët është raportuar ditën e sotme nga Komisionerja e Ukrainës për të Drejtat e Njeriut Lyudmila Denisova.
Një vajzë 17 vjeçare ka qëndruar e izoluar në shtëpinë e saj bashkë me kufomat e nënës dhe motrës që u vranë nga ushtarët rus. Dëshmia e 17-vjeçares tregon tmerrin kur ushtarët rusë i thanë adoleshentes ukrainase se ajo ishte shumë e shëmtuar për ta përdhunuar përpara se ata t’i vrisnin familjen e saj.
Raportohet se gratë dhe vajzat kanë qenë shpesh viktima të krimeve ruse që prej fillimit të luftës.
Komisionerja Denisova është shprehur gjithashtu se kanë marrë më shumë se 400 telefonata në linjën speciale të Komisionerit, e cila mbështetet nga UNICEF që prej datës 1 prill.
