TMERR në Shkodër! Një person qëllon me armë drejt fëmijëve, zhduket nga vendngjarja

Të shtëna me armë janë regjistruar në afërsi të shkollës “28 nëntori”, në Shkodër.
Mësohet se një person ende i paidentifikuar ka qëlluar me armë zjarri pranë vendit të quajtur “Lapidari” ku po rrinin disa fëmijë.
Fatmirësisht fëmijët kanë pikasur personin dhe janë larguar me shpejtësi. Plumbi fatmirësisht nuk ka prekur asnjë nga fëmijët, teksa ka përfunduar në pjesën e pasme të një kondicioneri në një lokal aty afër.
Grupi hetimor po vijon punën për sqarimin e rrethanave të kësaj ngjarjeje, identifikimin dhe kapjen e autorit.