Italia po përjeton katastrofa të njëpasnjëshme kohëve të fundit. Të paktën 11 ekskursionistë kanë humbur jetën në grykat e Raganelos në Civita, të Kozencës, në Kalabri, pas shirave të rrëmbyeshëm që shkaktuan një rritje të papritur të nivelit të ujit.
20 janë të shpëtuarit por fatkeqësisht bilanci i viktimave pritet të rritet. Skuadrat e shpëtimit kanë punuar përgjatë gjithë natës ndërkohë që operacionet e kërkimit vijojnë edhe sot pasi disa persona janë të zhdukur.
Operacionet tani do të zhvendosen edhe më tej në grykën e lumit, sepse ekziston frika se disa viktima mund të jenë tërhequr deri në det.
