Një tjetër incident është regjistruar në Himarë.
Në pamje duken dy djemtë që përpiqen të sulmojnë fizikisht shtetasin e huaj, por duke u favorizuar nga fiziku, turisti arrin që t’i shmangë që të dy. Ai dëgjohet teksa u thotë ‘largohuni’ ndërsa bën hapa pas në përpjekje për t’u larguar.
Nga policia bëhet me dije se nuk ka asnjë denoncim të bërë nga turisti i huaj.
Në video duket qartë një person i cili nuk lejohet nga shoku i tij të godasë turistin e huaj.
Nuk dihen arsyet e përplasjes,por është video e filmuar nga një kalimtar i çastit.
Disa ditë më parë një tjetër incident më i dhunshëm u regjistrua në Himarë mes disa pushuesve dhe pronares së një vile që lëshon dhoma për pushuesit.
Shkak për konfliktin në këtë rast u bë një mosmarrëveshje për ditët e qëndrimit në hotel, si dhe kushtet jo të mira në ato ambiente.
