Tirana mposhti Tomorin me rezultatin 3-1 në takimin e vlefshëm për javën e 15-të të Kategorisë së Parë. Ngoo kaloi në avantazh bardheblutë në minutën e 18-të nga pika e bardhe e penalltisë, ndërsa në minutën e 30-të miqtë nga berati barazuan shifrat me anë të Kopaçit. Vetëm 6 minuta zgjati baraspesha, pasi ishte përsëri sulmuesi Ngoo, i cili në minutën e 36-të realizoi golin e dytë për bardheblutë. Në përfundimin e pjesës së parë, mesfushori Kopaçi u ndëshkua me kartonin e dytë të verdhë pas protestave ndaj gjyqtarit.
Pas daljes me të kuq të lojtarit të Tomorit, gjërat për Tiranën u bënë më të thjeshta dhe në minutën e 57-t ishte përsëri sulmuesi Ngoo, i cili nga pika e bardhë e 11-metërshit, shënoi golin e tretë, duke i venë vulën takimit.
Me fitoren e sotme, Tirana shkoi në kuotën e 40-pikëve, ndërsa Tomori, i cili mban momentalisht vendin e tretë ndodhet në kuotën e 23 pikëve.
http://www.panorama.com.al/sport/tiranes-i-mjafton-ngoo-bardheblute-bejne-detyren-ndaj-tomorit-video/
