Pezulluar 56 leje drejtimi për shkelje të ndryshme në trafik
Policia rrugore e Tiranës ka qenë gjatë gjithë fundjavës në aksion për kontrollin e qarkullimit rrugor në të gjitha rrugët kryesore dhe dytësore të kryeqytetit. Sipas policisë janë arrestuar në flagrancë 11 shtetas për drejtim mjeti në gjendje të dehur. Sipas të dhënave të tjera rezulton se 1 shtetas ka kundërshtuar punonjësit të Policisë si dhe janë pezulluar 56 leje drejtimi. Policia ka bërë me dije se nga këto 25 leje drejtimi për shpejtësi tej normave të lejuara në qytet, 29 leje drejtimi për drejtim mjeti nën ndikimin e alkoolit dhe në gjendje të dehur si dhe 2 leje drejtimi te pezulluara për kalim të afatit.
