Trupi i pajetë i një gruaje është gjetur i pajetë në liqenin e Sharrës në Tiranë. Paraprakisht mësohet se viktima është 49 vjeçe dhe është identifikuar si Lirie Xhepa.
Trupi i gruas është gjetur nga banorë të zonës, të cilët kanë njoftuar edhe policinë.
Burime nga grupi hetimor bëjnë të ditur se gruaja mund të jetë vrarë, pasi në trupin e saj janë konstatuar shenja dhune. Fillimisht mendohet se është goditur me gurë pas koke dhe më pas është qëlluar me armë zjarri, pasi janë konstatuar edhe 3 plagë nga plumbat.
Në lidhje me ngjarjen, policia ka shpallur në kërkim kunatin e viktimës, shtetasin Dashamir Xhepa.
Vendi ku është gjetur viktima nuk ka rrugë makine dhe akoma nuk është faktuar nëse është vrarë aty apo trupi është transportuar aty.
Po punohet për sqarimin e plotë të rrethanave të ngjarjes dhe identifikimin e trupit të pajetë.
Njoftimi i Policisë:
Identifikohet trupi i pajetë, i gjetur pranë liqenit të Sharrës mëngjesin e sotëm. Trupi i përket shtetases L. Xh., 49 vjeçe. Nga kqyrjet në trup rezulton se shtetasia L. Xh., është qëlluar me armë zjarri pistoletë dhe si pasojë e plagëve të marra ka gjetur vdekjen.
Policia po punon për zbardhjen e plotë të rrethanave të ngjarjes, identifikimin dhe kapjen e autorit.
http://www.oranews.tv/article/trupi-i-pajete-i-nje-gruaje-gjendet-ne-liqenin-e-sharres
