Ditën e sotme një ngjarje e rëndë ka ndodhur në Tiranë, ku një fëmijë është gjendur i mbytur në kanal.
Ngjarja mësohet të ketë ndodhur tek banesat sociale në Shkozë.
Dyshimet janë se trupi i pajetë i përket Klodian Hashimit, i cili u raportua i zhdukur nga familja rreth dy javë më parë.
Sipas familjarëve të Hashimit, 5-vjeçari kishte qenë duke luajtur pranë banesës në momentin kur ishte zhdukur, ndërsa fillimisht ata ngritën dyshime se ai mund të ishte trafikuar.
Policia ka mbërritur menjëherë në vendngjarje dhe po bën verifikime për të zbuluar nëse viktima është fëmija që u denoncua i humbur pak ditë më parë.
