Një ngjarje tragjike është shënuar në kryeqytet, në në orët e para të mëngjesit të sotëm. Punonjësi i Gardës së Republikës, Alket Arapaj ka vrarë me armën e tij të shërbimit gruan e tij, 36- vjeçaren, Ervilma Seferi.
Mësohet se gardisti e ka qëlluar tre herë me armën e shërbimit gruan duke e lënë të vdekur në vend. Kanë qenë fqinjët që kanë lajmëruar policinë pasi dëgjuan të shtënat me armë zjarri dhe fëmijën duke qarë.
Pas ngjarjes, 44-vjeçari është arrestuar menjëherë nga shërbimet e policisë. Çifti ka një fëmijë, ndërsa nuk dihet se për çfarë ka qenë konflikti në familje që solli edhe ngjarjen e rëndë.
Gardisti është me arsim të lartë ushtarak (1993-1997), me gradën Kapiten me 21 vite punë ne Gardën e Republikës. Ai njihet si njeri me sjelle të mirë, ndërsa ishte edhe predikues i riteve fetare.
Alket Arapaj ishte i pajisur me armë e shërbimit tip pistoletë, të cilën në bazë të ligjit ka të drejtë ta mbajë me vete edhe jashtë orëve të shërbimit.
