Pas nisjes së procesit të votimit dy orë më parë, shënohet incidenti i parë në qendrat e votimit.
Bëhet me dije se incidenti është shënuar në shkollën “Dhora Leka” ku ka pasur një konfrontim fizik mes komisionerëve.
Shkak për përplasjen është bërë shoqërimi i personave të moshuar nga familjarët e tyre për në qendrat e votimit.
Procesi i votimi është ndërprerë për momentin, ndërsa policia nuk ka ndërhyrë pasi më parë i duhet autorizim nga KQZ.
Është kërkuar ndërhyrja e institucionit të administrimit të zgjedhjeve, për të zgjidhur situatën dhe rinisur procesin e votimit.
/shqiptarja.com/
