Një atentat me armë zjarri ka ndodhur paraditen e sotme në Tiranë , pranë stadiumit “Selman Stermasi”.
Policia e Tiranës njofton se ka mbetur i plagosur rëndë shtetasi Tefik Hyka, ish-pronari i fabrikës së tullave në Vorë.
Mjekët bëjnë me dije se biznesmeni i ndërtimit i ka shpëtuar atentatit mafioz dhe është i ndërgjegjshëm.
“Gjallë është me ndërgjegje”, ka thënë mjeku.
Mësohet se atentatori i tij ka qenë me motor, dhe pasi e ka qëlluan Hykën me një plumb në kokë është larguar menjëherë nga vendngjarja.
Njoftimin në polici e ka bërë një qytetar me anë të një telefonate në redaksinë e policisë së shtetit.
Nuk dihen detaje të tjera për rastin, ndërsa uniformat blu janë nisur drejt vendngjarjes pranë stadiumit “Selman Stermasi” dhe janë vënë në kërkim të autorit të ngjarjes.
