Policia e Tiranës ka arrestuar dy persona të shpallur në kërkim nga Policia e Vlorës nën akuzën e prodhimit dhe shitjes së narkotikëve si dhe një person tjetër të dyshuar si bashkëpunëtor i të kërkuarve.
Në pranga kanë rënë shtetasit Kaman Lumani, 28 vjeç banues në Përmet, Anastazios Extadakstilios, 29 vjeç, shtetas grek, banues në Sarandë dhe Mariglen Coha, 26 vjeç, banues në Elbasan.
Gjatë operacionit në Yzberisht atyre iu është gjetur një kilogram lëndë narkotike e llojit kanabis sativa, e cila është sekuestruar në cilësinë e provës materiale.
