Tiranë/ Arrestohet në flagrancë hajduti që vidhte banesa

Ditën e sotme policia ka kapur në flagrancë 37 vjeçarin me inicialet B.Ç banues në Babrru pasi po vidhte një banesë
Mësohet se 37 vjeçari kishte kryer edhe 3 vjedhje të tjera në vitin 2019, në bashkëpunim me dy persona të tjerë.
Raportohet se policia i ka sekuestruar një çantë, ku janë gjetur disa sende të vjedhura.
37 vjeçari akuzohet për “Vjedhje”, ndërsa dosja e tij i ka kaluar Prokurorisë së Tiranës.
Njoftimi i policisë:
Tiranë
Kapet dhe arrestohet nga shërbimet e Komisariatit të Policisë Nr.1 , një 37-vjeçar që kryente vjedhje banesash.
37-vjeçari i kapur në flagrancë me precedentë të mëparshëm penal.
Zbardhen dhe dokumentohen dhe tre raste të tjera të vjedhjes në banesa të kryera gjatë vitit 2019 po nga ky shtetas.
Në vijim të punës për parandalimin e vjedhjeve, zbardhjen e atyre të ndodhura më parë si dhe për kapjen e vënien para drejtësisë të autorëve, Specialistët për Hetimin e Krimit në Komisariatin e Policisë nr 1, si rezultat i punës hetimore të kryer dhe informacioneve të siguruara në rrugë operative për vendndodhjen e personit që dyshohej si autor i vjedhjes së banesave, bënë të mundur kapjen dhe ndalimin e shtetasit:
B. Ç., 37 vjeç, banues në Babrru/Tiranë . I dënuar më parë për “ Vjedhje”.
Nga tërësia e veprimeve hetimore të kryera dyshohet se ky shtetas është autor edhe i tre rasteve të tjera të vjedhjeve të banesave të ndodhura në juridiksionin e Komisariatit të Policisë Nr.1, gjatë vitit 2019.
Në cilësinë e provës materiale u sekuestrua një çantë shpine me disa prej sende të vjedhura.
Materialet iu referuan për veprime të mëtejshme Prokurorisë së Rrethit Gjyqësor Tiranë për veprën penale “Vjedhja”.