Një 55-vjeçar është arrestuar në kryeqytet pasi dyshohet se ka kryer marrëdhënie seksuale me dhunë me një 39-vjeçare të sëmurë mendore, e cila vuante edhe nga skizofrenia.
Ngjarja ka ndodhur në zonën e Kombinatit, ku sipas denoncimit të motrës së të abuzuarës, fqinji i saj Rezar Bineri ka abuzuar disa herë me të sëmurën.
Po sipas denoncimit të së motrës, abuzimi ka nisur pasi 55-vjeçari Bineri ka kryer disa punime si elektricist në banesën e tyre.
Në polici e motra ka pohuar se ka dyshime se 39-vjeçarja e abuzuar dhe e sëmurë mund të ketë ngelur edhe shtatzënë.
Efektivët e komisariatit nr. 6 kanë nisur hetimet për zbardhjen e plotë të ngjarjes së rëndë.
