Policia e Tiranës ka vënë në pranga dy persona, babë e bir pasi prodhonin produkte ushqimore të falsifikuara dhe më pas i hidhnin në treg.
Në kuadër të operacionit të koduar “Kimisti” janë arrestuar shtetasit Fabian dhe Arnold Gero 51 dhe 21 vjeç.
Mësohet se shtetasit e lartëpërmendur, kishin modifikuar ambjentet e një bodrumi për prodhimin e artikujve të ndryshme ushqimore, duke përdorur amballazhime të përdorura si dhe duke falcifikuar etiketa të firmave të ndryshme të prodhimeve vendase.
Gjatë operacionit policia sekuestroi:
- Një automjet tip Volkswagen.
- 270 shishe plastike 1.5 kg me mbishkrimin Vaj sallate Himara dhe vaj ulliri Himara
- 150 l vaj ulliri i hapur pa etikete.
- Arome vaj ulliri 40 kg.
- 700 shishe qelqi të mbushura me salcë domatesh me mbishkrimin Fagero.
- Një thes 20 kg i hapur i mbushur me lëndë Sode Kaustike
- 90 kg me lëndë kimike (përdoret për prodhimin e pijeve alkoolike),
- 3 shishe qelqi 1 l me lëndë Acid Nitrik
- Sapuna me ngjyrë 700 copë
- Një bidon 1l alkool Izopropilik
- Etiketa Stampa me mbishkrimin Fagero Leng Domate Passata
- Etiketa Stampa me mbishkrimin Fagero salc Domate me ereza
- Etiketa stampa Vaj sallate Himara, Vaj ulliri Himara dhe
- Etiketa stampa Vaj ulliri Himara si dhe etiketa vaj extra vergine
- Pajisje që shërbenin për prodhime të ndryshme.
