Policia e kryeqytetit ka arrestuar 3 persona, dhe ka sekuestruar 2 kg e 384 gr, lëndë narkotike, armë, fishekë, mjet tip “Ford”dhe një aparat celular “Iphone”.
Policia njofton se në datë 22.11.2017, Specialistët e Seksionit për Hetimin e Narkotikëve në bashkëpunim me shërbimet e posaçme “Shqiponja”, të Drejtorisë Vendore të Policisë Tiranë, pas një pune intensive për goditjen e veprimtarisë të kundraligjshme në fushën e narkotikëve, në rrugën “Ibrahim Rugova”, në vendin e quajtur “Ura e Tajvanit”, kanë arrestuar në flagrancë shtetasit: Elia Shahu, 21 vjeç, banues në Tiranë, Fatjon Ormani, 21 vjeç, banues në Tiranë
Gjatë kontrollit fizik iu gjetën dhe sekuestruan 26,8 gr lëndë e dyshuar narkotike të llojit “Cannabis Sattiva”.
Gjithashtu në vijim të kontrolleve të ushtruara në zonën e Paskuqanit u arrestua shtetasi: Elton Laçi, 24 vjeç, banues në Tiranë.
Materialet proceduriale iu referuan Prokurorisë së Rrethit Gjyqesor Tiranë në ngarkim të shtetasve të lartpërmendur.
