Borusia e Dortmundit ka arritur një tjetër fitore të bukur (2-0) ndaj Mainzit, duke mbetur -5 pikë nga Bajerni kryesues, por takimi u shoqërua nga një episod i dhimbshëm. Një tifoz 80 vjeçar ka pësuar infrakt në shkallët e stadiumit dhe nuk mundi të mbijetojë pavarësisht ndihmës së shpejtë. Lajmi u shpërnda me shpejtësi dhe situata në stadium u bë e pazakontë, gjë që e pranoi pas ndeshjes edhe Marko Rojs, autori i golit të parë për Borusian. Në përfundim të ndeshjes, mbështetësit e Dortmundit festuan me futbollistët e tyre, duke kënduar në një atmosferë drithëruese “You’ll never walk alone” (Ju kurrë nuk do të jeni vetëm), këngë që ia dedikuan tifozit që u nda nga jeta. Edhe presidenti Raubal komplimentoi tifozët, sidomos ata të Maincit për solidaritetin. “Disa herë kemi pasur problem me ta, por treguan vlera dhe respekt si asnjëherë më parë”.
