Popullësia e Shqipërisë dhe Kosovës ka një shtrirje të gjerë jashtë territoreve të këtyre dy shteteve, ndërsa ende nuk ka të dhëna se sa është numri i saktë i shqiptarëve në diasporë.
Në kuadër të projektit “Ti je pjesë e atdheut” Ministria e Diasporës së Kosovës ka publikuar sot numrin e kosovarëve të regjistruar që jetojnë në emigracion.
Nga ky organ deri në fund të vitit 2016 janë përpunuar 400 mijë aplikacione ku është krijuar një bazë të dhënash me 342.303 pjestarë të diasporës, shkruan Zëri.
Regjistrimi online i diasporës do të vijojë deri në vitin 2021 ku pritet të publikohen rezultatet përfundimtare të procesit.
