Nga Elma Doresi
Më mësove se vështirësitë më të mëdhaja mund t’i përballosh kur qëllimi yt final është t’u falësh buzëqeshje dhe kënaqësi shumë njerëzve.
Më mësove të eci në një rruge të mbushur plot me gropa dhe baltë pa u bërë pis.
Më mësove se dashurinë që merrja duhet ta trasmetoja tek të tjerët, ashtu siç bëre ti tek unë.
Më mësove shkollën e jetës!
Më mësove të jem me ty dhe pse me mijëra kilometra larg teje, më mësove të buzëqesh dhe kur shpirtin ta kem të vrarë, më mësove të jem e fortë dhe kur trupi im ndihet i dobët, më mësove të jem njeri!
Ti je Matematika, Fizika, Kimia ime!
Ti e di, se unë dhe tani jam aty me ty, në sallë, duke krijuar imazhin tim të rradhës, duke hequr e duke shtuar detaje që vetëm ne të dy i dimë.
Mirë se erdhe në Ferr thonë kur vjen tek ty, por nëse është ashtu, dije pra se ti je Ferri më i bukur!
Ps : Ne do të shihemi sërish nga afër,sepse kemi atë forcën dhe magjinë që askush nuk na e ndalon dot. Dielli do dali përsëri!
Gëzuar ditën tënde teatër!
