Drejtori i Urgjencës Kombëtare, Skënder Brataj është një ndër 123 shqiptarët e prekur nga koronavirusi.
Lajmi u konfirmua dje nga vete ministja e Shëndetësisë Ogerta Manastirliu. Brataj reagoi dje pasdite përmes një statusi në rrjetet sociale duke thënë se është duke kaluar një gjendje të lehtë të sëmundjes dhe po kurohet në banesë.
Shefi i Urgjencës thekson se dje e ka patur temperaturën 39.5, ndërsa i ka zbritur në 37.5.
Kjo lidhet pikërisht me faktin se ai pranon se te paktën dje ka qene me temperaturë. Por, në vend që të merrte masa duke u vetëizoluar, Brataj ka patur nje ditë normale pune dje.
Duket se nuk i ka marrë në konsideratë shenjat që i janë shfaqur, duke qenë se temperatura është një nga simptomat e Covid-19.
Kjo veprohet nga shefi i Urgjences dhe anëtari i Task-Forcës për Koronavirusin në një kohë që thirrja kryesore ndaj qytetarëve është që të mbrojnë bluzat e bardha duke mos u paraqitur menjëhëre në spital nëse kanë simptoma të ngjashme me ato të koronavirusit./abcnews.al
