Kallzimi në emër të grupit të PS nga deputeti Taulant Balla
Taulant Balla ka depozituar në Prokurori e Përgjithshme, në emër të grupit të tij parlamentar, një kallëzim për Sali Berishën. Kallzimi bëhet një javë pasi ish kryeministr Berisha bëri thirrje në Kuvend për armatosje. Mësohet se në bazë të kallzimit janë nenet 222, 223 dhe 267 që kanë të bëjnë me akuzën e thirrjes për armatosje kundër rendit kushtetues, thirrje publike për veprime të dhunshme dhe përhapje e informatave të rreme që ngjallin panik.
Në seancën e kaluar plenare të Kuvendit, Berisha bëri këtë deklaratë: “Iu bëj thirrje qytetarëve që të armatosen për të mbrojtur veten dhe sigurinë e tyre. Nëse ju kërcënoni me banda opozitën, qytetarët janë të gatshëm t’ju kundërshtojnë me armë e të mos gjeni vrimë ku të futeni. Armatosen amerikanët, armatosen të gjithë qytetarët. Me këtë organizatë kriminale në pushtet nuk ka siguri, rend dhe qetësi”, tha Berisha.
