Bayern Munich ka treguar eksperiencën e tij në Champions League duke mundur Sevilla-n, me pak fat, në Ramon Sanchez Pizjuan me rezultatin 2-1. Bavarezët kanë përmbysur rezultatin dhe do të shkojnë në shtëpi me një rezultat të kënaqshëm dhe pritet që ta ekzekutojë mirë edhe ndeshjen e kthimit në Allianz Arena.
Ashtu si ndaj United, ishte Sevilla ekipi që e nisi mirë ndeshjen duke krijuar disa mundësi të mira për gol, njëra që ishte e pafalshme, por goli erdhi vetëm në minutën e 31’ falë golit të Sarabia i cili pasi fiton dyluftimin me Bernard, që protestoi për një top të prekur me dorë, goditi bukur topin brenda zonës duke çuar në ekstaz tifozët vendas. Por Bayern barazon gjashtë minuta më pas falë një autogoli të Jesus Nava, i cili devijoi një top të Ribery në mënyrë shumë të pafat pasi për të thënë të vërtetën ishte i pamerituar.
Por goli i dha besim Bayern që mori kontrollin e lojës në dorë deri në fund të takimit. Në minutën e 68’ erdhi edhe goli i Alcantara pas një pasimi të Ribery i cili ishte një nga më të mirët në fushë. Bayern menaxhoi mirë lojën deri në fund duke mos lejuar Sevilla-n të krijojë mundësi të tjera. Një rezultat i favorshëm për gjermanët që janë me një këmbë në gjysmëfinale.
https://youtu.be/HzRazuAa0CI
