Ministria e Arsimit ka reaguar me një njoftim zyrtar, pas lajmit të publikuar në 27.al në lidhje pyetësorin për sjelljet shëndetësore të fëmijëve, ku pyetja 45 i pyet ata, nëse kanë bërë ndonjëherë seks anal, vaginal apo oral.
Ministria ia plas pa lidhje, kur thotë që ky denoncim “po përdoret ulët për revansh politik duke dezinformuar prindërit dhe opinionin publik dhe është një turp për këdo që e bën”.
27.al është e para që kreu këtë “turp” sipas kritereve morale të Ministrisë së Arsimit. Të tjerët veç sa e pirateruan këtë “turp”. Ministria shton që ky pyetësor zbatohet në të njëjtën kohë në 48 vende të Europës përfshirë edhe Kanadanë, duke zbatuar rigorozisht të njëjtin protokoll, metodologji dhe pyetësor. Sipas saj, studimi mbi sjelljet shëndetësore tek fëmijët e moshës shkollore 11, 13, 15 vjeç (HBSC- Health Behaviour in School -Aged Children) është një studim që ka filluar para 34 vitesh dhe kryhet çdo katër vjet, në të njëjtën kohë, në Europë dhe Amerikën e Veriut. Shqipëria është bërë pjesë e këtij studimi që prej vitit akademik 2009-2010.
Tani në fund, Ministria duhet pyetur:
- A u mor leja e prindërve që fëmijët t’i përgjigjen një studimi me pyetje të tilla?
- Fëmijët a përgjigjeshin në prani të një psikologu?
- Nëse një fëmijë 11 vjeç e zbulon seksin anal prej këtij pyetësori, e merr përsipër Ministria ta sqarojë çfarë është apo e lë të eksplorojë për hesap të vet?
Skandali i Ministrisë së Arsimit, nxënësit 11-vjeçarë shqiptarë pyeten nëse kanë bërë seks anal
