Kreu i OBSH për Europën, Dr. Hans Klug ka deklaruar se testet e shpejta të cilat nxjerrin përgjigjet për prekjen nga Covid-19 brenda 40 minutash do të jenë në Shqipëri brenda 8 apo 10 javësh.
Ai tha se po punohet për të përshpejtuar këtë afat ndërsa thekoi se shkenca po lëviz shumë shpejt në sajë të bashkëpunimit.
“Jemi marrë me kohën e dorëzimit të testeve të shpejta pas 8 apo 10 javësh. Ne po përpiqemi ta përshpejtojmë. Shkenca ka lëvizur shpejt. Të gjithë po koordinohemi për të përshpejtuar këtë punë”, tha ai.
Ministrja e Shëndetësisë Ogerta Manastirliu theksoi se testet e shpejta do të sigurohen nga qeveria shqiptare. “Qeveria shqiptare ka gati financimin për blerjen e testeve të shpejta të anti-genit”, tha Manastirliu.
