Një sulm i rëndë ka ndodhur në një qendër tregtare në Minesota në SHBA ku një person ka therrur me thikë 8 persona të tjerë. Forcat e policisë kanë qëlluar për vdekje agresorin ndërsa ende nuk dihen motivet e këtij sulmi.
Dëshmitarë në vendin e ngjarjes janë shprehur se autori i sulmit, ende i paidentifikuar, ka bërtitur “Allahu Ekber” përpara se të qëllohej për vdekje nga policia.
Shefi i policisë në St.Cloud, Blair Anderson ka sqaruar se :“Sulmuesi kishte pyetur të paktën një person se a është mysliman, përpara se t’i sulmonte”. Shefi i policisë ka refuzuar që ta quaj këtë sulm si akt të terrorizmit derisa ende nuk dihen motivet e sulmit.
Sipas zyrtarëve mësohet se fatmirësisht disa nga të lënduarit nuk janë në rrezik për jetën.
Mbrëmjen e djeshme SHBA-ja u përfshi nga një shpërthim në Manhattan ku mbetën të plagosur 29 persona.
